អគារសិក្សា​ ​Aii​ ​&​ ​AIS​ ​សាខា​ផ្សារថ្មី​ ​បាន​បើក​សម្ពោធ​ដាក់​ឱ្យ​ប្រើប្រាស់​ជា​ផ្លូវការ​.​.​.​

ដើម្បី​បំពេញ​តម្រូវការ​សិស្សានុសិស្ស​ ​អាណាព្យាបាល​សិស្ស​ ​និង​រួមចំណែក​លើកស្ទួយ​គុណភាព​វិស័យ​អប់រំ​នៅ​កម្ពុជា​ឱ្យ​កាន់តែ​ប្រសើរ​នោះ​ ​នៅ​ថ្ងៃទី៨​ ​ខែឧសភា​ ​ឆ្នាំ២០១៩​ ​នេះ​ ​លោក​ឧកញ៉ា​ ​វេជ្ជបណ្ឌិត​ ​គួច​ ​ម៉េ​ង​លី​ ​បន្ត​​បើក​សម្ពោធ​ដាក់​ឱ្យ​ប្រើប្រាស់​ជា​ផ្លូវការ​ ​នូវ​អគារ​មជ្ឈមណ្ឌល​ភាសា​ ​អេ​ ​អាយ​ ​អាយ​ ​និង​សាលារៀន​ ​អន្តរទ្វីប​ ​អាមេរិកាំង​ ​សាខា​ផ្សារថ្មី​ ​មួយ​បន្ថែម​ទៀត​ ​បន្ទាប់ពី​មជ្ឈមណ្ឌល​ភាសា​ ​អេ​ ​អាយ​ ​អាយ​ ​និង​សាលារៀន​ ​អន្តរទ្វីប​ ​អាមេរិកាំង​ ​សាខា​ចោមចៅ​។​

​នៅចំពោះមុខ​អ្នកសារព័ត៌មាន​ ​និង​សាធារណជន​យ៉ាងច្រើន​កុះករ​ ​ដែល​ចូលរួម​ពិធីសម្ពោធ​អគារសិក្សា​នេះ​ ​លោក​ឧកញ៉ា​ ​វេជ្ជបណ្ឌិត​ ​គួច​ ​ម៉េ​ង​លី​ ​ស្ថាបនិក​ ​ប្រធាន​ក្រុមប្រឹក្សា​ភិបាល​ ​និង​អគ្គនាយក​ប្រតិបត្តិ​ ​នៃ​មជ្ឈមណ្ឌល​ភាសា​ ​អេ​ ​អាយ​ ​អាយ​ ​និង​សាលារៀន​ ​អន្តរទ្វីប​ ​អាមេរិកាំង​ ​បានឱ្យ​ដឹង​ថា​ ​ការ​ជ្រើស​ទីតាំង​ផ្សារថ្មី​ ​ជា​សាខា​អាទិភាព​នេះ​ ​ព្រោះ​ជា​តំបន់​មួយ​ដែល​មានការ​គាំទ្រ​ច្រើន​ពីសំណាក់​សិស្សានុសិស្ស​ ​និង​អ្នកអាណាព្យាបាល​សិស្ស​។​ ​ជាពិសេស​ ​ជា​តំបន់​ពោរពេញ​ទៅ​ដោយ​សេដ្ឋកិច្ច​រីកចម្រើន​ ​បរិស្ថាន​ល្អ​ ​មាន​សុវត្ថិភាព​ ​និង​ងាយស្រួល​ដល់​ការ​ធ្វើដំណើរ​ ​និង​ការសិក្សា​របស់​សិស្សានុសិស្ស​។​

​លោក​ឧកញ៉ា​ ​វេជ្ជបណ្ឌិត​ ​គួច​ ​ម៉េ​ង​លី​ ​ឆ្លើយតបទៅនឹង​អ្នកសារព័ត៌មាន​ថា​ ​​​ដោយសារតែ​ពី​មួយឆ្នាំ​ទៅ​មួយឆ្នាំ​ ​មជ្ឈមណ្ឌល​ភាសា​ ​អេ​ ​អាយ​ ​អាយ​ ​និង​សាលារៀន​ ​អន្តរទ្វីប​ ​អាមេរិកាំង​ ​បន្ត​ពង្រីក​សាខា​ឥត​ឈប់​ ​និង​កំណើន​សិស្ស​កាន់តែ​កើនឡើង​ខ្ពស់​ ​ក៏​ព្រោះតែ​មជ្ឈមណ្ឌល​ ​និង​សាលារៀន​ ​ផ្ដោត​សំខាន់​ទៅលើ​គុណភាព​ ​វិន័យ​ ​សេវាកម្ម​ ​ស្រប​តាម​ស្ដ​ង់​ដារ​ជាតិ​ ​និង​អន្តរជាតិ​ ​ជាពិសេស​ ​មានការ​កោតសរសើរ​ពី​ក្រសួង​អប់រំ​ ​យុវជន​ ​និងកីឡា​.​.​.​

​អ្នកជំនាញ​វិស័យ​អប់រំ​រូប​នេះ​បន្ថែម​ថា​ ​ដោយសារ​មានការ​សំណូមពរ​ ​និង​ការ​គាំទ្រ​ច្រើន​ពីសំណាក់​មហាជន​នោះ​ ​លោក​គ្រោង​ពង្រីក​សាខា​ចំនួន២០បន្ថែម​ទៀត​។​ ​សាខា​បន្ទាប់ពី​សាខា​ផ្សារថ្មី​នេះ​ ​លោក​ឧកញ៉ា​ ​នឹង​បន្ត​សម្ពោធ​ដាក់​ឱ្យ​ប្រើប្រាស់​អគារសិក្សា​ ​Aii​ ​&​ ​AIS​ ​សាខា​ជ្រោយ​ចង្វា​រ​ ​នៅក្នុង​ខែតុលា​ខាងមុខនេះ​ ​ហើយ​ជាបន្តបន្ទាប់​ទៀត​នឹង​មាន​ ​Aii​ ​&​ ​AIS​ ​សាខា​ទួលសង្កែ​ ​សាខា​សែនសុខ​ ​និង​ ​Aii​ ​&​ ​AIS​ ​គ្របដណ្ដប់​ទូទាំង​ខណ្ឌ​ក្នុង​រាជធានី​ភ្នំពេញ​ ​និង​បណ្ដា​ខេត្ត​មួយចំនួន​ទៀត​។​ ​នេះ​បើ​តាម​ការ​អះអាង​ដោយ​លោក​ឧកញ៉ា​ វេជ្ជបណ្ឌិត គួច ម៉េងលី។​

ក្នុង​ឱកាស​សម្ពោធ​ដាក់​ឱ្យ​ប្រើប្រាស់​ជា​ផ្លូវការ​ ​នៃ​មជ្ឈមណ្ឌល​ភាសា​ ​អេ​ ​អាយ​ ​អាយ​ ​សាខា​ផ្សារថ្មី​នេះ​ ​លោក​ឧកញ៉ា​ ​វេជ្ជបណ្ឌិត​ ​គួច​ ​ម៉េ​ង​លី​ ​បាន​ផ្ដល់​អាហារូបករណ៍៥០​%​ ​ដល់​សិស្សានុសិស្ស​ម្នា​ក់ៗ​ ​ដែល​ទៅចុះ​ឈ្មោះ​សិក្សា​ចាប់ពី៤នាក់​ ​ក្នុង​ពេល​តែមួយ​។​ ​

​ក្រៅពី​នេះ​ ​៣៥​%​ ​សម្រាប់​សិស្សានុសិស្ស​ម្នា​ក់ៗ​ ​ទៅចុះ​ឈ្មោះ​ ​ចាប់ពី៣នាក់​ ​ក្នុង​ពេល​តែមួយ​ ​និង​ ​២៥​%​ ​សម្រាប់​សិស្សានុសិស្ស​ម្នា​ក់ៗ​ ​ទៅចុះ​ឈ្មោះ​ចូលរៀន​ ​ចាប់ពី២នាក់​ ​ក្នុង​ពេល​តែមួយ​។​

​ចំណែក​ឯ​ ​សាលារៀន​ ​អន្តរទ្វីប​ ​អាមេរិកាំង​ ​សាខា​ផ្សារថ្មី​ ​ក្នុង​ឱកាស​សម្ពោធ​ដាក់​ឱ្យ​ប្រើប្រាស់​ជា​ផ្លូវការ​នេះ​ផង​ដែរ​ ​លោក​ឧកញ៉ា​ ​បាន​ផ្ដល់​អាហារូបករណ៍២៥​%​ ​សម្រាប់​សិស្ស​ម្នា​ក់ៗ​ពេល​ចុះឈ្មោះ៤នាក់​ឡើង​ទៅ​ក្នុង​ពេល​តែមួយ​។​

​ក្រៅពី​នេះ​ ​២០​%​ ​សម្រាប់​សិស្ស​ម្នា​ក់ៗ​ពេល​ទៅចុះ​ឈ្មោះ៣នាក់​ ​ក្នុង​ពេល​តែមួយ​ ​ហើយ១៥​%​ ​សម្រាប់​សិស្ស​ម្នា​ក់ៗ​ពេល​ទៅចុះ​ឈ្មោះ២នាក់​ ​ក្នុង​ពេល​តែមួយ​ ​និង១០​%​ ​សម្រាប់​សិស្ស​ម្នា​ក់ៗ​។​