English
កាលពីថ្ងៃទី២៦ ខែកក្កដា ឆ្នាំ២០១៩ កន្លងទៅនេះ សាលារៀន អន្តរទ្វីប អាមេរិកាំង បានរៀបចំពិធីបិទបវេសនកាល ឆ្នាំសិក្សា ២០១៨-២០១៩ ហើយសិស្សានុសិស្សត្រូវចូលរួមគឺយកថ្នាក់ទី៥ ដល់ថ្នាក់ទី១២ នៅសាលសហសិក្សា សម្តេចអគ្គមហាសេនាបតីតេជោ ហ៊ុន សែន នៃវិទ្យាស្ថានបច្ចេកវិទ្យាកម្ពុជា។ ក្រោមអធិបតីភាព ឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃសាលារៀន អន្តរទ្វីប អាមេរិកាំង បានមានប្រសាសន៍ថា លទ្ធផលក្នុងឆ្នាំនេះ សាលាទទួលបានជោគជ័យយ៉ាងធំធេង ដោយក្នុងនោះសាលាបានផលិតធនធានមនុស្ស ជាសិស្សពូកែបានច្រើន លើការប្រកួតចំណេះដឹង ទាំងថ្នាក់ជាតិ និងអន្តរជាតិ គឺបានមកពីការខ្នះខ្នែងយកចិត្តទុកដាក់របស់លោកគ្រូអ្នកគ្រូ ព្រមទាំងអ្នកអាណាព្យាបាលសិស្ស ដែលបានចូលរួមអប់រំសិស្សដែលជាសក្ដានុពលស្នូលដ៏សំខាន់សម្រាប់កសាងអនាគតរបស់សង្គមជាតិ។
