នៅថ្ងៃទី២៧ ខែតុលានេះ គណៈគ្រប់គ្រងនៃសាលារៀន អន្តរទ្វី អាមេរិកាំង សាខាទួលគោកបានរៀបចំកិច្ចប្រជុំប្រធាន និងអនុប្រធានថ្នាក់ដែលមានការចូលរួមពីសំណាក់ប្អូនៗសិស្សានុសិស្សពីកម្រិតបឋមសិក្សា ដល់មធ្យមសិក្សាទុតិយភូមិ និងចាងហ្វាង ចាងហ្វាងរងទទួលបន្ទុក។ លោកស្រី អ៊ាវ ណារី ដែលជាចាងហ្វាងរងក្រោមមត្តេយ្យ មត្តេយ្យ និងបឋមសិក្សា បានឱ្យដឹងថា ការប្រជុំនេះ គឺដើម្បីផ្តល់ព័ត៌មានទូទៅរបស់សាលា ជូនដល់ប្អូនៗ ជាពិសេសតួនាទី កាតព្វកិច្ចនិងភាពទទួលខុសត្រូវក្នុងនាមជាប្រធាន និងអនុប្រធានថ្នាក់ដែលជាអ្នកដឹកនាំសមាជិកក្រុមត្រូវតែសិស្សពូកែ មានឥរិយាបថល្អ មានទំនួលខុសត្រូវខ្ពស់លើភារកិច្ច និងលក្ខណៈសម្បត្តិមួយចំនួនទៀត ដើម្បីធ្វើជាគំរូល្អដល់គេហើយត្រូវសហការជាមួយគ្រូបន្ទុកថ្នាក់ និងចាងហ្វាង។ ក្នុងពេលនោះបានបង្ហាញពីព្រឹត្តិការណ៍ ឬកម្មវិធីផ្តល់ចំណេះដឹងពិសេសៗរបស់សាលាដល់សិស្សឱ្យបានជ្រាបកាន់តែច្បាស់ ហើយចែកចាយព័ត៌មានទាំងនោះបន្តទៅសិស្សានុសិស្សផ្សេងទៀត ដែលជាមិត្តភក្ដិឱ្យបានចូលរួមក្រេបជញ្ជក់ចំណេះដឹងទាំងនោះផងដែរ។ ប្រធាន និងអនុប្រធានថ្នាក់នឹងមានជំនាញភាពជាអ្នកដឹកនាំ គ្រប់គ្រង ទាក់ទងសាធារណៈ និងទំនាក់ទំនងទូទៅប្រកបដោយទំនុកចិត្តខ្ពស់ ដែលកើតចេញពីការរៀនទទួលខុសត្រូវ ការដោះស្រាយបញ្ហា ហើយសិស្សក៏ទទួលបានបណ្ណសរសើរលើកទឹកចិត្តពីសាលាដែលខ្លួនបានរៀនមួយឆ្នាំសិក្សា។
សាលារៀន អន្ដរទ្វីប អាមេរិកាំង
សាខាជ្រោយចង្វារ
